Fréttir af Guðrúnu V

Jæja, þar sem enginn hefur sent fréttir af okkur skólasystkinunum / árgangnum, þá ákvað ég að ríða á vaðið.

Sonur minn gerði mig að ömmu seint í apríl og það er náttúrulega frábært.

Síðan skipti ég um vinnu í janúar og var spurð að því hvort ég væri eitthvað að tapa mér, það skipti enginn með fullu viti um vinnu (af fúsum og frjálsum vilja) sem væri kominn á þennan aldur, hvort ég væri virkilega komin með gráan fiðring eða eitthvað, EN VIÐ SEM ERUM Á OKKAR ALDRI ERUM KLÁRLEGA Í FULLU FJÖRI OG FÆR Í HVAÐ SEM ER.

Gott ráð er það sem ég heyrði um daginn frá aðila sem skilgreindi "miðaldra" sem aldurinn sem væri mitt á milli þess sem hann er og þess aldurs sem hann reiknaði með að ná. Mjög hagstætt.

kveðja að sinni. Guðrún sem er að skemmta sér í fimmtugsafmælum þetta árið.

Athugasemdir

[Rögnvaldur S Valbergsson (IP-tala skráð) 29.6.2007 kl. 21:40]

Flott hjá þér Guðrún V, en þetta með barnabörnin þá toppa ég þetta alveg þar sem ég á 4 barnabörn sem ég var að fara með í Drangey í dag þar sem ég er leiðsögumaður öðruhverju en hvað sem öðru líður þá hlakka ég mikið til árgangsmótsins, en þetta með summuna af 5 & 10 þá fór stærðfræðikennslan eitthvað fyrir ofangarð og neðan svo ég sleppi þessu alveg

Kveðja Röggi. p.s. og farið svo að skrifa eitthvað

[GV (IP-tala skráð) 29.6.2007 kl. 23:39]

Frábært, mig hefur alltaf langað út í Drangey, en þegar maður er að fara til Siglufjarðar, þá virðist maður ekki vera með það á dagskrá að stoppa neitt á leiðinni, en ég á vonandi eftir að gera það fljótlega.

Mig minnir að það hafi verið leiðsögumaður þarna sem var kallaður Drangeyjarjarlinn, sem bæði sigldi bátnum og var með leiðsögn um eynna (ef ég er ekki að ruglast á eyjunum í Skagafirði), en hann hlýtur að vera mjög fullorðinn núna ef þetta er sama eyjan/drangurinn.

Stærðfræðikunnáttan hefur þó dugað þér í þetta sinnið og það sem meint er með á svona bloggsíðum er að maður á að skrifa hvað summan af þessum tveimur tölum er, þ.e. leggja þær saman. T.d. Summan af fjórum og sautján er 21. Þetta eru reglur sem rekstraraðilar bloggsíðan setja upp og er held ég mjög almennt fyrir athugasemdir, þar sem aðilar þurfa ekki að skrá sig inn.

[Rögnvaldur S Valbergsson (IP-tala skráð) 30.6.2007 kl. 16:14]

Rétt hjá þer Guðrún, Drangeyjarjarlinn er enn með siglingar en fer orðið lítið upp í eyju svo ég og fleiri skreppum upp með ferðamenn, en það er alveg rétt hjá þér að fólk er alltaf að flýta sér og hefur ekki mikinn tíma til að stoppa við, enda ef maður ætlar td. í Drangey þá er betra að áætla daginn í það, en bestu kveðjur í bili, svo þurfa bara fleiri að fara að skrifa